Një shitës ambulant shqiptar ka rënë në prangat e policisë italiane, pasi u kap me një sasi droge në Varese.
“Ansa” shkruan se gjatë kontrollit që u ushtrua, 30-vjeçarit iu gjetën 1.5 kg marijuanë në garazh, ku kishte ngritur një laborator për paketimin e dozave.
Përveç shitjes së produkteve shtëpiake nëpër tregje, shqiptari shiste edhe doza të vogla droge.
Nën vëzhgim nga policia, të riut shqiptar i janë pikasur shumë hyrje dhe dalje, ndaj dhe karabinierët vendosën të vepronin, për ta kapur në befasi.
Gjatë kontrollit të ushtruar, policia i gjeti në xhep shqiptarit edhe një dozë kokaine.
Ndërkohë po vijon puna për dokumentimin e plotë të këtij rasti.
s.a/dita