“Përdormë kur të të duket e arsyeshme”

Servilizmi per pushtet nuk njeh kombesi.

Te pakten kete tregon një shënim i sikletshëm i zbuluar gjatë nje kontrolli të policisë në shtëpinë e drejtoreshës së Fondit Monetar Ndërkombëtar.

Shenimi i adresohej ish-presidentit, Nicolas Sarkozy.

Christine Lagarde i drejtohej me tone servile presidentit të asokohe të Francës.

Shënimi është gjetur nga hetuesit gjatë kontrollit në shtëpinë e saj, në kuadër të çështjes Tapie, ku dyshohet se ajo e nxitur nga Sarkozy, ka favorizuar një financier në mosmarrëveshjet e tij me shtetin.

Teksti i shënimit nuk ka të bëjë me hetimin që po zhvillohet, por hedh dritë mbi shkallën e nënshtrimit të Lagarde ndaj ish-presidentit.

Letra vijon si më poshtë:

“I dashur Nicolas, me shumë respekt dhe shkurtimisht të them se

1)      Jam në anën tënde për të të shërbyer dhe për të shërbyer në projektet e tua për Francën.

2)      Kam bërë më të mirën që kam mundur edhe pse kam dështuar në raste sporadike, prandaj të kërkoj ndjesë.

3)      Nuk kam ambicie politike personale dhe nuk dëshiroj të bëhem një ambicioze servile, si shumë nga ata që të rrethojnë. Besnikëria e tyre është pak e qëndrueshme dhe jo afatgjatë.

4)      Më përdor gjatë kohës që të të duket ty e arsyeshme, njëkohësisht edhe për ndarjen e roleve që do të bësh.

5)      Nëqoftëse më përdor, kam nevojë për ty si orientim dhe mbështetje: pa orientim rrezikoj të jem joefikase dhe pa mbështetje mund të jem pak e besueshme.

Me admirim të pafund Christine L”.

Me shumë mundësi është shkruar disa vite më parë, kur Lagarde ishte ministre e Financave në Francë. Dhe pavarësisht admirimit për një personazh politik është e vështirë të imagjinosh atë që është cilësuar si “grua e hekurt” në një status të tillë adhurimi gati-gati fëmijënor. /Dita/