Lajmi i hidhur – në mesnatë,
më ka dhëmbur gjer në eshtër
vdekje zeza është e gjatë
jeta është një gënjeshtër!
Rrojte-vojte o Njeri,
porsi kandili u fike
por s’e dimë as unë as ti
përse erdhe – përse ike?!
Kandilen e jetës kurrë
nuk ta mendoja të fikur
se ti ishe zjarr – o burrë
shumë larg kohës për të ikur!
Miliona bëjnë hije
tek kjo Botë – kot së koti
as vetes s’i bëjnë hije
Ndaj pse Ty të zgjodhi Zoti?!
Rrahin të shkretat mendime
kokën time si çekan
po unë sot në vjershën time
s’të desha – o Ardian!
Se ky s’është një frymëzim
është një këngë për lamtumirë
dhe pse si një ngushëllim
na le emrin më të mirë!
Kjo është këngë për lamtumirë
është kuje edhe vaj
por të lësh emër të mirë
tek kjo Botë s’ësht’ kollaj!
Fli- o mik – në jetë të jetëve
se këtu je lodhur shumë
unë s’kam fuqinë e profetëve
s’të zgjoj dot nga ai gjumë!
Fli- o mik në amëshim
se të zi e kishe fatin
dhe s’do ketë asnjë kuptim
me Zotin ta nxjerr inatin!
Shpesh dhe fjalët nuk kanë vlerë
le të jenë dhe xhevahirë.
Po të them me shpirtin vrer:
“Mik i dashur – LAMTUMIRË!”
21 gusht 2014
Te lumte Arben !
Eshte nje mesazh qe edhe njerezit ta kuptojne se jeta eshte shume e shkurter per te qene te keqinj ! Cdo vdekje e papritur eshte nje “te vene gishtin kokes” te tjeret.
Nje poezi , qe buron nga shpirti i poetit dhe larg vargezimeve , qe jane te zakonshme ne botimet e sotme . Arbeni edhe filizofile i jep formen e kenges , sepse eshte poet I rralle . Paste shendet dhe jete te gjate . Illo
Faleminderit qe ndan dhimbjen tende me ne i nderuar Arben Duka.
Na ke munguar or burre.
Fjala jote ka force te vrase te liget dhe te sheroj te lenduarit.
Duku me shpesh tek Dita,se vendi yt ka mbet bosh.
Pershendetje nga Gjermania