Policia italiane në Leçe arrestoi 3 persona në dy operacione të ndryshme, duke sekuestruar armë dhe drogë që po trafikoheshin me mjete lundruese.
Në operacionin e parë, në një varkë me flamur grek, e cila nisi të lundrojë sapo pa praninë e policisë, u sekuestruan tre armë automatikë “Kallashnikovë”, fishekë dhe 67 kg marijuanë.
Në pranga ra drejtuesi i varkës, italiani Salvatore Giovanni Pacifico. Sipas hipotezave të para, armët dhe droga kanë ardhur nga Shqipëria.
Në operacionin e dytë, policia vuri në pranga dy shqiptarë, të cilët u kapën me 3 kg heroinë, vlera e të cilës në trego do të arrinte 45 mijë euro. Shqiptarët e arrestuar janë H.K., 28 vjeç dhe E.G., 34 vjeç.
Duke folur për këto dy operacione, hetuesi Cataldo Motta, tha se sasia e madhe e drogës dhe armët e sekuestruara tregojnë se tregu shqiptar është shumë aktiv gjatë këtyre ditëve, ndërsa vazhdimisht kapen ngarkesa të mëdha, deri edhe në avionë sportivë dhe sasi armatimesh.
