Lefi i shkruan Gent Strazimirit

Përplasja fizike mes deputetit të Partisë Socialiste, Pjerin Ndreu, dhe asaj Demokratike, Gent Strazimiri, në kafen e Kuvendit, ka zbritur në rrjetet sociale ku palët janë ndarë në dysh. Genc Strazimiri, identifikohet nga komentuesit si provokator, por nga ana tjetër edhe fansat i shkruajnë në profilin e Facebook-ut duke i shprehur mbështetje dhe solidaritet. Mes komenteve të shumtë bie në sy edhe ai i ish-deputetit Lefter Malqi dhe njeriut të qejfmbetur se përse PD nuk i dha mundësinë të kandidonte për kryetar të kësaj partie në qytetin e Beratit. Në mesazhin dërguar Strazimirit ai shkruan: “S’kanë forcë argumenti, ligjore, as ballafaquese për të vërtetat prandaj përdorin forcën fizike! Turp për atë parlament me deputet horra, trafikant, biznesmen me para të pista e diploma të blera pas moshës 40 vjeç, Stazimiri është kurajoz i aftë dhe opozitar me zemër! Duhet të jemi më të organizuar dhe bashkuar për sfidat e ardhshme, bashkimi bën fuqinë!”-thotë Lefi. Po pra Lefteri, ai polici që trembte qytetarët e Lushnjës kur ishte shef… Mbahu Lefo se do të bien… kapelja 🙂