Gjermani
Greuther Furth barazoi pa gola në ndeshjen e luajtur në shtëpi me Nurembergun. Kapiteni Mërgim Mavraj është shprehur se ishte një rezultat i mirë, për shkak se skuadra e tij luajti për shumë kohë me dhjetë lojtarë. Mavraj shton Furth është skuadër që e meriton të luajë në ligën e parë, ndonëse aktualisht renditet e parafundit.
Në ligën e dytë, FSV Frankfurt u mund në fushën e tij nga Kaizerslautern, 0-1. Edmond Kapllani dhe Odise Roshi ishin të dy titullarë. Mesfushoi doli në minutën e 62-të, ndërsa sulmuesi në të 89-tën.
Greqi
Janina fitoi 1-0 me OFI-n e Kretës dje dhe Andi Lila e Emiljano Vila morën të dy nga një karton të verdhë. Lila luajti 90 minuta, ndërsa Vila hyri në fushë në minutën 66-të.
Ukrainë
Vorskla Poltava pësoi një humbje të papritur në fushën e saj, e mundur 0-1 nga Volin Lutsk, me gol të pësuar në minutën e 75-të. Të dy shqiptarët e kombëtares, Armend Dallku e Ahmed Januzi, luajtën 90 minuta.