Në tremujorin e dytë të këtij viti numri i lejeve të ndërtimit në Shqipëri ka pësuar një rritje të konsiderueshme krahasuar kjo me të njëjtën periudhë të një viti më parë.
Ndërkohë si 6 mujor Lejet e dhëna për ndërtimet e reja në Shqipëri janë trefishuar krahasuar kjo me të njëjtën periudhë të një viti më parë ose me shifra 135 leje më shumë. Sipas të dhënave të INSTAT vetëm në tremujorin e dytë janë dhënë 197 leje.
Tirana vijon të ketë numrin më të lartë të lejeve e ndjekur nga Fieri, Vlora dhe Elbasani. Numri i lejeve të miratuar për banim zë 61,4 % të numrit gjithsej të lejeve ndërkaq numri i lejeve miratuar për hotele, zyra, qendra tregtare dhe industriale zë 38,6 %.
Ndërkohë në total për pjesën e parë të vitit 2017 janë dhënë 298 leje nga 163 që janë dhënë në të njëjtën periudhë të një viti më parë.
Sektori i ndërtimit është një ndër kontribuuesit kryesor të rritjes ekonomike dhe rritja e lejeve në Tiranë lidhet me miratimin e planit urbanistik.
Ndërsa për sa u përket qyteteve në pjesën e parë të këtij viti ato që kanë rritje të numrit të lejeve janë Vlora, Elbasani,Gjirokastra dhe Korça ndërsa rënie Lezha, Berati dhe Shkodra.