11 llogari bankare me vlerë totale 160 milionë lekë të një 29-vjeçari janë bllokuar nga policia e Elbasanit. Sipas policisë, paratë e sekuestruara 29-vjeçarit Sokol Roçi dhe familjarëve të tij dyshohet se janë siguruar nëpërmjet trafikut të drogës.
Vetë i akuzuari është arrestuar disa ditë më parë në Tiranë, me një sasi lënde narkotike. Policia e Albasanit tha se Roçi e kishte shtrirë aktivitetin e shpërndarjes së drogës në disa nga qytetet më të mëdha të vendit, ku kishte krijuar rrjete trafiku.