Vojsava Ismailaj merret në pyetje nga Policia, fletë thirrje edhe Doshit e Priftit

Bashkëshortja e ish-kontraktorit të CEZ Kastriot Ismailaj, Vojsava Ismailaj, ka qenë këtë të mërkurë në Drejtorinë e Policisë së Tiranës, ku është marrë në pyetje lidhur me hetimet e nisura nga prokuroria pas letrës së kryetarit të komisionit parlamentar të sigurisë kombëtare, Spartak Braho.

Nga burime konfidenciale mësohet se shtetasja Vojsava Ismailaj ka qëndruar në ambjentet e selisë qendrore të policisë për rreth 50 minuta, në prani edhe të avokatit të saj, dhe është larguar prej andej në heshtje.

Në kuadër të hetimeve, që menaxhohen nga organi i akuzës së kryeqytetit, pritet që në të njëjtën formë të thirren për t’u marrë në pyetje edhe deputeti Tom Doshi dhe ish-ministri Dritan Prifti.

******

Foto: Znj.Ismailaj, bashkëshortja e Kastrot Ismailaj dhe avokati Vladimir Meçe, pas marrjes në pyetje