Trajneri i Gjermanisë, Joakim Lëv, ka besim se futbollistët e Bajernit do ta ndihmojnë që të fitojë titullin në kampionatin botëror këtë verë në Brazil. Lëv ka theksuar se 7 lojtarët e Bajernit kanë talentin dhe mentalitetin e duhur për të triumfuar ndaj rivalëve si Brazili, Spanja, Italia apo Argjentina.
Bajerni po fiton gjithçka në dy sezonet e fundit dhe ka disa lojtarë tepër të rëndësishëm në kombëtaren gjermane ku mund të përmenden portieri Nojer, kapiteni Lahm apo lojtarët sulmues i Gëce, Myler dhe Kros.