Ky dimër i ka gjetur shumë shkolla në qarkun e Lezhës pa ngrohje, pasi për vendorët nuk është me rëndësi të dorës së parë. Në komunën Kolsh, drejtori i shkollës 9-vjeçare në Manati ka kërkuar ndihmën e prindërve, për të blerë sobat me dru për ngrohjen e të vegjëlve. Nga ana tjetër vetë prindërit e cilësojnë absurde indiferencën e komunës Kolsh, duke i lënë këta fëmijë që të vuajnë të ftohtin e dimrit. Mungesa e ngrohjes mund të cilësohet problem i përgjithshëm për shkollat e qarkut të Lezhës, ku familjet investojnë vetë për fëmijët.