Humb jetën nga moti i keq 27-vjeçari në Dibër, punëtor i HEC-it

Një 27-vjeçar në Dibër është shpallur i humbur, pasi dyshohet të jetë mbytur duke pastruar kanalet e hidrocentralit Lura 1 dhe 2. Adil Vladi kishte shkuar në mëngjes për të bërë detyrën, por rezulton i humbur. Shërbimet policore kanë nisur kërkimet për gjetjen e tij. më vonë, Ministria e Brendshme sqaroi se ai ishte mbytur në ujërat e lumit.

Më herët, trupi i pajetë i peshkatarit Viktor Gjergji është gjetur mëngjesin e sotëm në kënetën e Kunës.

Ishin familjarët ato të cilët e shpallën të humbur 49-vjeçarin, ndërsa dyshohet se shkak për vdekjen e tij është bërë moti i keq.

Si pasojë e motit të keq, 8 familje u evakuuan gjatë natës, ndërsa tre persona u dërguan në spital për ndihmë mjekësore.

Në zona të tjera të vendit si në Fier, lumi Gjanica ka dalë nga shtrati, duke përmbytur banesat aty pranë. Situatë e rënduar është edhe në zona të tjera si në Sheq të Madh dhe në Sheq të Vogël.

Në qarkun e Durrësit shirat e rrëmbyer të shoqëruar me erë të fortë lanë pa energji elektrike Sukthin, Thumanën, Gjirin e Lalzit, Xhafzotajn, Spitallën, Dervenën, Borizanin dhe zonën e Shkëmbit të Kavajës.