Prokuroria e Lezhës ka nisur hetime për shkakun e vetëvrasjes së Mark Brahimajt, ish-punonjës i Hidrovorit të Tales. Në pyetje janë marrë familjarët e të ndjerit dhe në veçanti bashkëshortja e tij. Këto dëshmi janë bërë pjesë e fashikullit të dosjes, ku të afërmit kanë treguar se Mark Brahimaj që pas largimit nga detyra kishte filluar të shprehte shqetësime dhe po kështu në gjykatë nuk ishte njohur si shkarkim i padrejtë. Familjarët akuzojnë drejtorinë e Bordit të Kullimit si shkaktare për aktin e flijimit.