Kryeministri libian, Ali Zeidan është liruar disa orë pasi u rrëmbye nga një hotel në Tripoli nga persona të armatosur mëngjesin e së enjtes. Lajmi publikohet nga BBC
Rrëmbimi u mor përsipër nga grupi Dhoma e Revolucionarëve të Tripolit, në shenjë proteste ndaj operacionit të komandove amerikanë që pak ditë më parë arrestuan një lider të Alkaedës në territorin libian. Thuhet se grupi Dhoma e Revolucionarëve të Tripolit përbëhet nga ish-rebelë, të cilët ishin përdorur nga qeveria post-Gaddafi për të vendosur rendin në kryeqytetin libian.