Libri: Papa Vojtila ka një vajzë

Një shkrimtar brazilian hedh tezën se Papa Gjon Pali i dytë ka lënë pas një vajzë. Luis Miguel Rocha thotë në librin e tij se vajza e Papa Vojtilës është Emanuela Orlandi. Sipas tij, ajo është rrëmbyer dhe fshehur me qëllim që të mos merrej vesh se ishte bija e paligjshme e papës. Libri pritet të dalë në mars, por tezat e Rocha, i cili ngul këmbë prej kohësh për këtë fakt, nuk janë besuar nga askush. Ndërsa shumica e njerëzve e shohin këtë lëvizje të tij si një teori konspiracioni të ngjashme me atë të trillerit “Kodi i Da Vinçit”, braziliani ngul këmbë se është i bindur në tezën e tij, madje dhe ka takuar vajzën.