Hekurudha Kosovë- Shqipëri, larg realizimit

Projekti që do të bënte “ bashkimin” e Shqipërisë me Kosovën, ai i linjës hekurudhore në mes të dyja vende, ende është larg jetësimit, pasi ende nuk ka filluar as studimi i fizibilitetit.

Për institucionet ky projekt është mjaft i rëndësishëm, ndërsa për ekspertw të ekonomisë, nuk do të duhej të ndodhte në këtë kohë për shkak të kostos së lartw buxhetore, por edhe për shkak se nuk ndikon në zhvillimin ekonomik.

Ministri i Infrastrukturës, Lutfi Zharku, gjatë muajit janar të këtij viti në një takim me ministrin i Infrastrukturës dhe Transportit të Shqipërisë Edmond Haxhinasto, kanë rwnw dakord që menjëherë të fillojnë punimet nga grupet e ekspertëve për ndërtimin e linjës hekurudhore Kosovë-Shqipëri.

Zharku aso kohe pati thënë se do të mundohet që të gjejë mekanizma për financim në mënyrë që të fillohet studimi i fizibilitetit, por deri më tani nuk është bërë një gjë e tillë përkundër takimeve të shumta të dyjave palëve.

Drejtori i Departamentit të transportit tokësor, Xhemë Veseli në Ministrinë e Infrastrukturës, tha për KosovaPress , se ka filluar aplikimi së bashku me shtetin shqiptar në Komisionin Evropian dhe në Bankën Evropiane për financimin e këtij projekti kaq madhor për të dyja vendet dhe se janë në pritje të një përgjigjeje, në mënyrë që të fillohet me studimin e fizibilitetit.

Veseli tha se ndërtimi i linjës hekurudhore Kosovë-Shqipëri do të jetë një korridor shumë më interes për vendin tonë.

Kurse, kryeshefi ekzekutiv në Infrakos, Agron Thaçi tha se deri më tani ka pasur vonesa nga pala shqiptare dhe se duhet të kërkohet gjetja e një modaliteti më të favorshëm dhe më ekonomik për jetësimin e këtij projekti.

“Konsideroj që Republika e Kosovës nuk duhet të heq dorë nga ky projekt strategjik madhor dhe duhet të lidhemi patjetër me Republikën e Shqipërisë, duhet të lidhemi në një të ardhme të afërt, bile të paktën me kufirin dhe të shohim mundësin pse jo edhe me minierat e veriut të Shqipërisë. Hekurudhat këto që i kem në funksion janë realisht mirë, nga aspekti i funksionalitetit dhe janë plotësisht funksionale, nga aspekti i nivelit të sig urisë në komunikacionin hekurudhor”, tha ai.