Policia e Durrësit në bashkëpunimin me Task-Forcën e ngritur nga Prefekti i Qarkut Durrës kanë vijuar operacionin për lirimin e hapësirave publike duke vënë ne dispozicion të pushuesve rreth 6000 m2 plazh, pronë publike e zaptuar në mënyrë të kundërligjshme, ndërsa u sekuestruan rreth 1000 çadra e shezlongë.
Uniformat blu kanë proceduar penalisht shtetasit me iniciale Gj.K., dhe B.Sh., pasi nga kontrolli i ushtruar në plazhin në Sektorin Rinia, u konstatua se këta shtetas kishin zënë me çadra plazhi hapësirat publike në bregun e detit pa leje nga organet përkatëse dhe të pa pajisur me kasë fiskale.
Ata akuzohen për veprat penale “Fshehja e të ardhurave”, “Mospagimi i taksave dhe tatimeve” dhe “Pushtimi i tokës”.
Policia thotë se operacioni do të vijojë në gjithë zonën bregdetare, për të kthyer në dispozicion të qytetarëve çdo hapësirë publike të zënë në mënyrë të kundërligjshme, me qëllim fitimin.
b.b/dita
Problemi është pse shkelet ligji kur i zënë këto hapësira? Si ka mundësi që nuk dënohet askush? Pse kryeministri e reklamon zbatimin e ligjit si një privilegj personal dhe si një nder që duhet t’ja njohim atij? Pse të mos mendojmë se jo vetëm zbatimi por edhe shkelja e ligjit është atribut i tij gjithashtu.