Sot Drejtoria e Përgjithshme e Shoqërisë “Posta Shqiptare” Sh.a ka liruar nga detyra drejtoren e Filialit Vlorë, Ramona Jaho duke marrë shkas edhe nga ngjarjet e fundit në Filialin e Postës Vlorë në lidhje me shkeljet e disa punonjësve të saj.
Një ditë më parë, në Novoselë u ndalua punonjësja e postës Nadire Lako, pasi sipas policisë kjo shtetase kishte përvetësuar një pjesë të shpërblimit të dhënë për festat e fundvitit për një person me statusin e veteranit. Mësohet se shifra e përvetësuar është 3 mijë lekë.
Arrestimi u krye pas kallëzimit të këtij shtetasi dhe Drejtorisë së Institutit të Sigurimeve Vlorë.