Ndaj duhet urgjent prokuror i ri!

Punë e prokurorit,

s’ka pse ngatërrohet,

me Ligjin që është zgjedhur,

duhet të shkarkohet!

 

Fiks kur pesë vite,

t’i kenë kaluar,

automatikisht,

quhet i shkarkuar!

 

Më kot muhabeti,

i Llallës është trashur,

se ky Ligji i vjetër,

nuk është lënë padashur!

 

Ligji nuk është hequr,

të heqi të vjetrin,

dhe Ligji i Ri,

për të zgjedhur tjetrin!

 

Nuk ka kontradiktë,

Ligji nuk stonon,

dhe pa qënë jurist,

këtë e kupton!

 

Për atë që vjen,

Ligji i Ri ka vlerë,

zgjidhet për shtatë vjet,

por vetëm një herë!

 

Por është KLP-ja,

që atë e zgjedh,

askush në Kuvend,

për votim s’e hedh!

 

Po një lloj problemi,

përsëri është shtruar,

sepse KLP-ja,

ende s’është krijuar!

 

Vetiu kuptohet,

s’ka kush jep mandat,

nëse KLP-ja,

s’zgjidhet në afat!

 

Kjo në të vërtetë,

përbën një problem,

po zgjidhjen që sot,

unë s’mund ta them!

 

Nuk e them dot sot,

jo se nuk e di,

për Ligj kalimtar,

unë nuk kam fuqi!

 

Por Llalla i ikur,

quhet në Dhjetor,

dhe vendi do mbetet,

pa një prokuror!

 

Dhe sa KLP-ja,

këtu të krijohet,

një boshllëk ligjor,

doemos krijohet!

 

Gjer në Kushtetuese,

puna ndofta shkon,

Ajo s’heq dot Ligje,

veç interpreton!.

 

S’e dimë nëse Llalla,

do shkojë  a do rrijë,

gjersa zgjedhja tjetër,

ligjërisht do vijë!

 

Llalla për sistemin,

ka qenë fatkeqësi,

ndaj duhet urgjent,

prokurori i ri!

 

A.DUKA