Në pamje të parë nuk kanë asgjë të bukur. Format janë të pakuptueshme. Por kur skulpturat e bëra me material të papërpunuara ndriçohen me një fashë drite, hija e projektuar në mur të lë pa fjalë. Skulpturat mbresëlënëse janë vepër e skulptorit Diet Wiegman. Artisti holandez përdor letër, xham, karton, argjilë dru apo mbeturina për të riprodhuar kryevepra si Davidi i Mikelanxhelos, Venera e Milos apo silueta e mbretit të muzikës, Michael Jackson.
