Lotaria Amerikane, keni edhe dy orë kohë! Këshillat e fundit që jep Ambasada e SHBA

Kanë mbetur edhe 2 orë që aplikimi juaj për Lotarinë Amerikane të jetë i vlefshëm, më pas aplikimet do të mbyllen.

Ambasada e SHBA në Tiranë, përmes postimeve në “Facebook” kohët e fundit, ka kujtuar edhe një herë rregullat për të gjithë aplikantët. Gjithashtu janë publikuar udhëzimet si dhe linkun ku mund të kryhet aplikimi.

“Mos harroni se periudha e regjistrimit për Lotarinë Amerikane përfundon më 22 nëntor 2017, në orën 18:00”, shkruan Ambasada e SHBA

Sipas Ambasadës kandidatët duhet të aplikojnë një herë gjatë DV-2019, duhet të përfshijnë në aplikim të gjithë anëtarët e kualifikueshëm të familjes, të heqin syzet për foton, të ngarkojnë një foto të re për çdo vit aplikimi, si dhe të ngarkojnë foton e saktë për secilin anëtar të familjes.

Sipas Ambasadës kandidatët duhet të:

Aplikojnë vetëm një herë gjatë DV-2019

Përfshijnë në aplikim të gjithë anëtarët e kualifikueshëm të familjes

Heqin  syzet për foton

Ngarkojnë një foto të re për çdo vit aplikimi

Ngarkojnë foton e saktë për secilin anëtar të familjes