Në Shqipëri “lufta kundër krimit të organizuar dhe korrupsionit” i ngjan siluetës së Xenit me çantë në dorë duke mbledhur gjoba. Liria ekonomike i ngjan mbrëmjeve “gala” të Liri Berishës ku biznesmenët paguajnë gjoba për piktura qesharake nga frika e Familjes. Këto dhe shumë çështje të tjera janë thelbësore dhe na kanë lënë realisht jashtë Evropës. Për këto Edi Rama duhet të çohet dhe më 12 të natës për tu takuar të flasë me Sali Berishën se si t’i hapë rrugë integrimit. Këto janë tema për tu takuar dhe biseduar, jo takimet formale me një figurinë si Bujar Nishanin, që kërkon të legjitimojë masakrën e radhës ndaj shtetit ligjor dhe pavarësisë së institucioneve prej Sali Berishës. Thirrjet halucinante të Sali Berishës për të prodhuar një alibi me tre ligjet tregojnë jo vetëm mungesën e seriozitetit të qeverisë, por dhe dëshirën e fshehur që ky proces të mos realizohet, pasi Berisha dhe klubi i bllokmenëve të rinj ndjehen më të lehtësuar jashtë Evropës.
I vetmi dialog serioz në këtë vend është të diskutohet për atë çfarë Bashkimi Evropian është i shqetësuar për Shqipërinë. Lëre një orë Sali Berisha të flasësh me liderin e opozitë për këtë axhendë se boll ke gënjyer. Herën e parë e bleve aplikimin duke shitur OSSH tek CEZ dhe detin tek grekët. Herën e dytë ta pranuan aplikimin duke blerë helikopterë tek francezët. Herën e tretë nuk dije kujt t’ia faturoje dështimin dhe ia vure fajin opozitës. Këtë herë nën zë po thua që e ka fajin holandezi. Dhe të gjithëve na shkon mendja tek familja e vetme “holandeze” në pushtet, ajo e kollovarit Lulëzim Basha, ai që e vulosi imazhin e pandëshkueshmërisë nga ligji dhe mënyrës së pistë se si fitohet pushteti në Shqipëri.
Email nga adresa: [email protected]