Përfaqësuesit e shqiptarëve në komunat Preshevë, Medvegjë dhe Bujanoc, që ndodhen në jug të Serbisë, kanë kërkuar nga Qeveria e Kosovës që këto komuna të përjashtohen nga vendimi për reciprocitet të targave të automjeteve.
Kryetari i Këshillit Kombëtar të Shqiptarëve, Ragmi Mustafi tha për Radion Evropa e Lirë se kërkesa është bërë për shkak të problemeve në qarkullim të banorëve të këtyre komunave të shkaktuara nga vendimi për reciprocitetin e targave.
Ai tha se është kërkuar që të mundësohet liria e lëvizjes për të gjithë qytetarët.
“Ne dërguam një kërkesë për përjashtimin e komunave të Bujanocit, Preshevës dhe Medvegjës nga vendimi. Nuk bëhet fjalë veçmas për shqiptarët apo serbët por për ato tri komuna që janë shumë të lidhura me Kosovën, nga të cilat njerëzit udhëtojnë çdo ditë”, tha Mustafi.
Megjithatë për përfaqësuesit shqiptar të Luginës së Preshevës, vendimi i Qeverisë së Kosovës, sipas Mustafit është politikisht i kuptueshëm por zbatimi i tij është i diskutueshëm sepse shqiptarët nga Lugina e Preshevës i shndërron në pengje të Prishtinës dhe Beogradit.
“Ne mbështesim çdo vendim të Prishtinës që forcon shtetësinë e Kosovës, por kjo lëvizje na bën peng. Ajo ka goditur më shumë shqiptarët nga Lugina e Preshevës, të cilët kanë lidhje familjare dhe historike me Kosovën”, tha ai.
Pas vendimit të Qeverisë së Kosovës për reciprocitet me Serbinë, shoferët me targa të Serbisë kur hyjnë të Kosovë duhet të marrin targa të përkohshme, njësoj siç obligohen qytetarët e Kosovës me targa RKS që t’i ndërrojnë ose t’i mbulojnë targat kur futen në Serbi.
Vendimi i autoriteteve të Kosovës për të zbatuar masa reciprociteti ndaj automjeteve me targa të Serbisë, që hyjnë në Kosovë, ka nxitur protesta të banorëve serbë në veri të Kosovës dhe reagime të ashpra të Beogradit zyrtar.
Përfaqësues të Serbisë thonë se Kosova, me këtë veprim, ka shkelur dispozita të Marrëveshjes së Brukselit, të cilën dy vendet e kanë arritur me ndërmjetësimin e Bashkimit Evropian. Në Prishtinë thonë se janë duke vepruar në përputhje me Marrëveshjen e Brukselit.
Shtetet e Bashkuara dhe Bashkimi Evropian ka kërkuar uljen e tensioneve dhe që mosmarrëveshjet të zgjidhen përmes dialogut. / REL
j.l./ dita
Përse duhet të përjashtohen?
Nëse do të ketë reciprocitet, do të ketë për të gjithë.
Apo të bëjmë zakonin e shqipos që shitet për 5 euro?
Nëse doni të përjashtoheni, dorëzoni pasaportat serbe e merrni ato të Kosovës.
10 euro në vit janë o legena.
he mor gano,mor gano
shqipua në vënd që të mbështesë njeriun e tij!?
bëhet menjëherë “grevëthyes”,vetëm e vetëm,si e thua dhe ti,për 10€ në vit!!
dhe jo vetëm kaq,por e akuzon ashtu si me dorashka se “viktimizon,MË SHUMË,shqiptarët e preshevës”!në vënd që të jenë 200% në krah të vendimit të qeverisë së kosovës,ata,si padashje,dalin në krahë të vuçiçit!!
ky është patriotizmi folklorik shqiptar,me çiteli!?vrasim e presim nga të gjitha anët,as vjen te interesi i ngushtë ekonomik!?i shkërdhejmë robt vetvetes!!
e njëta gjë me komnitetin shqiptar në greqi!!bëhen grekë,bile dhe më shumë se ata të vërtetët,vetëm për një patentë që duhet ta rinovojnë çdo dekadë!!
këta jemi ne!!
vetëm për tu mburrur jemi të zotë!!