Ndodhën shumë ngjarje ditët e fundit që meritojnë të ndalesh dhe ti analizosh. Nga humbja e betejës me plagët e krimit për komisar Skurën e deri tek Shaban Norja, plaku që i preu kokën Aishes, që u dënua me burgim të përjeshtëm. Pa përmendur të vdekurit e të plagosurit e aksidentëve dhe ata që shfryjnë mllef kur shohin edicionet e lajmeve që nisin e mbarojnë me dyshen e pandarë Berisha-Rama. Lista e premtimeve në këtë muaj të parë të 2013 pasurohet me personazhe të rinj dhe zakonet e tyre të vjetra.
Muzikë funebër dhe kostume të errëta duhet të mbaj më shumë në zyrën time se ditë të këqija po vijnë dhe ne ua qajmë nderimin e fundit policëve që na vrasin në krye të detyrës – Flamur Noka
Nuk e mbaj mend i sati homazh është, por jam i sigurt se edhe autorët e vrasjes së komisarit nuk do të kapen- Politikani vetullngrysur
Shoh lidhje direkte me të kërkuarin e policisë nga një vend i thellë i Shqipërisë në televizion. Me cfarë telefoni flasin xhanëm se ky numri i ri që na udhëruan të marrim nuk kap as në Vaqarr- Polici
Shqipëria fushë me lule. Jo të mbjella, por nga ato artificialet në vendndodhjet e aksidenteve-Gazetari i Huaj
I shikoni këta policët e burgut që na ruajnë ne? Gjysma janë djemtë e mi- u thotë Shaban Norja shokëve të burgut- Hamshori
Tani që filluan heqjen e dritave në spitale duhet të ndërroj numrin e syzeve dhe të operoj me qiri-Kirurgu
Si ka mundësi që sa herë më zë halli të shkoj në spitale nuk shoh asnjë nga fytyrat e politikanëve që më dalin përnatë te ekrani i shtëpisë- Pacienti
Herë tjetër do shkruaj për këta muslimanët se janë edhe më agresivë se ortodoksët se qenka reklamë e paparë për librat që i kisha harruar kur i kisha shkruar – Namik Dokle
Zotohem të shkurtoj shpenzimet e televizioneve dhe që do ti marrin rroga cdo muaj sapo të marr mandatin e tretë qeverisës ku do të mbaj dhjetë takime në ditë, tetë prej të cilëve live-Kryeministri
Kryeministri spiker përpara grupit te tij parlamentar- kosto zero, lajme zero, të vërteta zero, ide zero, argumenta zero, qëndrime kundër zero, fitimet me shumë zero- Reporteri
Shqipëria vendi i duhur për t’ja mbathur me të katra. Sapo të kaloni rrugën e kombit arrini në një shtet të ri dhe më të organizuar falë pranisë së ndërkombetarëve- Investitori
CEZ na e përzunë, por zotohem se Cekia do lobojë me cdo vend europian për të cuar sa më shumë investitorë në Shqipëri që janë mjaftueshëm seriozë për të marrë avokate të bijën- Petr Necas