Luli do manipulojë 13 Qershorin dhe do rizgjidhet prapë Kryetar!

DÉJÀ VU ! ALL ABOUT MONEY AND POWER.

Më poshtë, pjesë nga deklarata e Ramës në 2009, nën slloganin ”hap kutitë ose largohu”:

”Grabitja e zgjedhjeve, mbyllja forcërisht e kutive të votimit, dhe pika që do te përmbysi kupën, mospranimi i hetimit parlamentar për transparencën e plotë të procesit zgjedhor, që ne e kërkuam jo në funksion të rindarjes së mandateve, por në funksion të ndarjes përfundimtare nga kjo praktikë kriminale deformimi i vullnetit te popullit, që nxorri në pah natyrën antidemokratike të ketij pushteti, dhe e bëri qartësisht të lexueshem modelin e zgjedhjeve nga Sali Berisha, modeli i njehsimit të pushtetit me shtetin për paranë dhe riciklimi i pushtetit përmes shtetit dhe parasë, lamtumirë për kushedi sa vjet demokraci e shteti i së drejtës, lamutmirë liri e barazi të të gjitheve para ligjit, lamtumirë padyshim liri e votës e numërimi i ndershëm i saj. Kështu vendi kthehet si në skenë te mbyllur, tamam si ato shkretëtirat gjoja demokratike kur pavarësisht vullnetit të popullit, zgjedhjet i fiton pushteti, opozita parlamentare kthehet në dekor demokracie, ndërsa kundershtarët e vërtetë në politikë, shoqëri civile, në media, në sipermarrje futen në shenjestrën e një gjuetie te mirëfilltë shtrigash derisa relativizohen plotësisht. Përpara ketij realiteti të rëndë ne bëmë zgjedhjen e duhur. Betejë për ta shkatërruar këtë model pa e lënë të rrënjoset, dhe të shkatërrojë nga e para, këtë herë në mënyrë shumë më të djallëzuar ngrehinën e brishtë të demokracisë në Shqipëri. Ne nuk hymë e nuk do të hymë në parlament pa u çmontuar në sytë e gjithë shqiptarëve 28 qershori si precedent i suksesit shumë të rrezikshëm të korrupsionit elektoral, pa u rënë dakord për të braktisur rrugën antidemokratike të njehsimit të shtetit me pushtetin, duke filluar nga çlirimi i proçesit elektoral, pa iu shprehur vullneti i qartë për të ringritur shtetin e rënë të së drejtës në Shqipëri. Hapja e kutive dhe hetimi i plotë parlamentar do ishte zgjidhja më e mirë për të gjithë, për parlamentin dhe për qeverinë gjithashtu, të dyja pushtete pa legjitimitet, të dyja në një gjasme normalitet, të dyja në një krizë që duke e mohuar nuk kurohet, vetëm thellohet. Hapja e kutive do të ishte shumë sinqerisht, zgjidhja më e mire edhe për Saliun e dytë, i cili nga transparenca do humbte vetëm njërën faqe, ndërsa kështu humbi gjithë fytyrën. Pranoi vjedhjen duke kujtuar se po mbron fitoren. Harroi mësimin e vyer te vitit 1996 ku me prekjen e votës së popullit filloi fundi i sundimit të Saliut të parë. Tanimë për opozitën kutitë nuk janë i vetmi objektiv. Sot, nuk e dimë vetëm ne, por e di i gjithë populli se kjo qeveri e kapur mat, humb me shpejtësi çdo ditë të drejtën të qëndrojë mbi kutitë që mban mbyllur”. Ne, sot e tutje, nuk do të kërkojmë më thjesht hapjen e kutive, por largimin e Sali Berishës, përderisa kutitë nuk hapen. Hap kutitë ose largohu – kjo do të jetë kryefjala e protestës sonë. Protesta jonë do të shtrihet në të gjithë Shqipërinë, përmes një opozitarizmi që do të jetë kudo që shqiptarët përballen me pushtetin e së keqes”.

SHËNIM: Çfarë neverie! Rama, ky klloun cirku i pafytyrë, në zgjedhjet e 2017 dhe 2021 ka bërë po këto gjëra për të cilat akuzonte Saliun në 2009, e madje shumë herë më keq, pasi implementoi edhe sistemin e patronazhistëve (një skandal i madh kundër parivatësisë dhe lirisë e të drejtave të njeriut). Demokracia është kthyer mbrapa në kohë dhe historia përsëritet. Shqipëria ka bërë vetëm prapa. Një turp i madh edhe për ndërkombëtarët që mbyllin sytë para këtij skandali dhe ende pa u çertifikuar rezultati uronin Ramën. Në BE bëjnë lojra gjasme ta veçojmë apo jo Shqipërinë nga Maqedonia e Veriut në lidhje me negociatat! Kurse ambasadorja amerikane Kim, (që Rama i prishi marrëveshjen e 5 qershorit e dakordësuar me opozitën) hesht, e rri merret me vizitë në TV Klan i Sandër Frangaj (oligarkun e Klanit që bëhet gjithmonë me pushtetin dhe përfiton favore prej tij).
Dikur, Blushi për referendumin për kryetar të PS ku nuk morri pjesë thoshte se: ”Rilindja është dhe ka qënë lavatrice e mediokritetit dhe shëmtisë në këtë vend. Më trishton kur shoh se si një parti është futur në lavatriçen e rilindjes për të pastruar rrobat e funeralit të vet. Sot nuk kam humbur asgjë. Sot kam fituar lirinë time dhe kjo vlen më shumë se çdo referendum”. Dhe dihet si përfundoi Blushi, ”hëngri turpin me bukë”, i tha pirdhu lirisë dhe u shit te Rama duke përfituar postin e drejtorit të Top channelit duke e kthyer Topin në megafonin e propagandës së Rilindjes. PYETJA ËSHTË: Po Llulli Basha, do ndjekë të njëjtën strategji si Rama më sipër, dhe për zgjedhjet në PD do dalë ndonjë si Blushi që do e akuzojë për manipulim dhe mediokritet? Pra, do shohim të njëjtin teatër, një déjà vu?