Një tjetër sherr pronësie për pak sa nuk ka përfunduar në tragjedi në Lushnjë, pas vrasjes së ndodhur dy javë më parë në Zhamë. Policia vendore mori në hetim në gjendje të lirë të dyshuarin B. G., 40 vjeç, banues në Karbunarë. Hetimet nisën për veprën penale “plagosjes e lehtë me dashje”, pasi për motive pronësie, në fshatin Karbunarë e Vogël, ka goditur me grushte në fytyrë bashkëfshatarin e tij me inicialet S. Xh. Mes dy burrave ka pasur herë pas here përplasje të vazhdueshme.