Një 4-vjeçar ka humbur jetën si pasojë e një aksidenti tragjik në aksin Shupenzë-Peshkopi. Vogëlushi me iniciale I.H. ka qenë duke kaluar rrugën së bashku me dy fëmijë të tjerë, kur është përplasur nga një automjet.
Fëmija është dërguar menjëherë në spitalin e Maqellarës, ku ka ndërruar jetë për shkak të plagëve të rënda. Policia ka vënë në pranga drejtuesin e mjetit. Shkak i aksidentit mendohet të ketë qenë shpejtësia e madhe e makinës.