Zv.Presidenti i Ishujve Maldive Ahmed Adeeb është arrestuar pasi dyshohet se është i përfshirë në një komplot për të vrarë Presidentin Abdulla Yameen, – thotë policia vendase dhe zyrtarë të lartë.
Ministri i Brendshëm i Ishujve Maldive konfirmoi se zv/Presidenti ndodhet në paraburgim dhe akuzohet për tradhti të lartë.
Presidenti Abdulla Yameen i shpëtoi një sulmi muajin e kaluar kur varka e tij u qëllua me raketë ndërsa kthehej nga aeroporti për në shtëpi.
Përveç zv/Presidentit, u arrestuan edhe tre persona të tjerë, mes të cilëve një ish-anëtar i Sigurisë dhe një anëtar i skuadrës së çaktivizimit të bombave.
“Mëngjesin e sotëm, në çdo rrugë janë parë kamionë me ushtarë dhe policë”, raportojnë mediat vendase. / Dita /