Kuvendi i Republikës së Shqipërisë ka miratuar këtë paradite projektligjin për protokollin e anëtarësimit të Malit të Zi në NATO.
Votimi ka qenë unanim me 109 vota pro, asnjë abstenim dhe asnjë kundër. I pranishëm në seancën plenare ka qenë edhe kryetari i Kuvendit malazez, Darko Pajoviç.
Në fjalën e tij, kryetari i Kuvendit, Ilir Meta ka vlerësuar se Shqipëria nuk do ta harrojë kurrë rolin konstruktiv të treguar Mali i Zi sa i takon faktorit shqiptar në rajon, sidomos me njohjen e pavarësisë së Kosovës.