Në Klinikën infektive në Shkup sot u regjistrua viktima e dytë që ka ndërruar jetë nga virusi i njohur si “gripi i derrit” apo H1N1.
Sipas mjekëve pacienti 52-vjeçar ishte shtruar në spital më 23 janar, në gjendje të rëndë, për shkak të problemeve në mushkëri dhe meningjitit.
Nga analizat laboratorike ka rezultuar se tek pacienti ishte izoluar virusi i gripit A(H1N1). Gjatë javës së kaluar janë regjistruar 126 raste të pacientëve që kanë ankuar me virusin e gripit sezonal, por që të gjithë janë hospitalizuar në Klinikën Infektive.
Gjatë muajit të kaluar u regjistrua viktima e parë nga virusi i ashtuquajtur si “gripi i derrit” dhe bëhej fjalë për një qytetar nga Tetova. / INA