Ministria e Shëndetësisë ka njoftuar se gjatë ditës së djeshme është mbyllur qendra COVID e klinikës së syve, ndërsa nga qendra e Klinikës për vesh, hundë dhe fyt 4 pacientët e mbetur sot do të transferohen dhe gjatë ditës edhe kjo qendër e COVID do të mbyllet.
Nga ky institucion njoftojnë se në 24 orët e kaluara, në COVID-qendrat e Shkupit janë shtruar edhe 30 pacientë të rinj për shkak të ndërlikimeve nga koronavirusi dhe gjithsej 283 persona të konfirmuar për COVID-19 po trajtohen në repartet e sëmundjeve infektive në Shkup.
“Numri i pranimeve në ditët e fundit është stabil dhe kishte 163 vende të lira pune deri në 8 të mëngjesit të sotëm, ndërsa pritet që gjatë ditës pas lëshimit të pacientëve të shëruar, të lirohen vende shtesë”, shtuan nga ministria. Në klinikat infektive në Shkup dhe në spitalet e vendit të hospitalizuar janë 620 pacientë, kurse ka rreth 621 shtretër të lirë.
h.b/dita