Autoritetet maqedonase kanë vendosur të dërgojnë njësinë speciale të Ushtrisë, “Tigrat”, në kampet e vendosura në kufi me Greqinë për t’i ardhur në ndihmë policisë lokale për të mbajtur nën kontroll situatën.
Grupet e para të forcave elitare maqedonase janë vendosur në Gevgelijë dhe në kampin e Idomenit.
Vendimi u mor gjatë mbledhjes së këshillit të sigurisë, ditën e djeshme, për shkak të situatës së rënduar në kufi me Greqinë, ku mijëra emigrantë qëndrojnë të bllokuar pas mbylljes së kufijve.