Legjenda e futbollit Diego Maradona mendon se Bayern Munichu do të ishte i pamposhtur nëse do ta transferonte superyllin e Barcelonës, Lionel Messi. Bavarezët sapo janë shpallur kampionë të Bundesligas, ndërsa pas deklaratës se i pëlqen puna e Pep Guardiolas, legjenda argjentinase ka thënë se po të luante 26-vjeçari në Allianz Arena, Bayerni do të ishte i pamposhtur. “Lewandowski dhe Messi? Atëherë të gjithë të tjerët do të luanin për pozitën e dytë. Në secilën garë, në secilën ligë”, është shprehur Maradona. Megjithatë, është thuajse e pamundur të mendohet se Barcelona mund ta lejojë largimin e Messit.