Mashtron kushërirën për ta kthyer në prostitutë dhe e detyron të abortojë 8 herë

Një vajzë 20-vjeçare ka rënë pre e shfrytëzimit si prostitutë, ku tutori i saj ka qënë kushëriri.

Mark Vathaj, ka ushtruar dhunë fizike dhe psiqike ndaj saj, duke e shfrytëzuar të dëmtuarën fillimisht në hotelet e Shëngjinit dhe më pas në Itali dhe në Zvicër.

E dëmtuara, është mashtruar nga i afërmi i saj, i cili i ka pohuar se duhet të paraqiteshin në gjëndjen civile të Bashkisë së qytetit për të kryer çregjistrimin e vëllait të saj, që kishte vetëm pak ditë që kishte ndërruar jetë.

Mirëpo pas largimit nga shtëpia, vajza i është nënshtruar dhunës psikologjike, duke e detyruar të ushtrojë prostitucion fillimisht në disa hotole në zonën e Shëngjinit, raporton A1 Report.

Ai e kërcënonte se do i vriste familjarët, nëse largohej.

Pas Shëngjinit, Vathaj e ka prostituar kushërirën e vet edhe në Itali dhe Zvicër.

Historia bëhet edhe më tronditëse, për faktin se gjatë këtyre muajve, ai e ka lënë kushërirën e vet 8 herë shtatzënë, duke qenë se bënte seks të pambrojtur me të.

Dhe, të 8 herët e ka detyruar atë që të abortojë.

Prokuroria ka kërkuar ndërkohë dënimin e tij me 21 vjet burg.