Ndërtuesi Rrapush Hoxholli dhe bashkëshortja e tij Vjollca janë arrestuar, pasi akuzohen për mashtrim në shitjen e apartamenteve në Shkodër.
Gjykata e Shkodrës ka vendosur për ta masën e sigurisë arrest me burg më datë 8 maj të këtij viti , pasi sipas hetimeve Hoxholli e shiste më shumë se njëherë një apartament tek persona të ndryshëm.
Është shpallur në kërkim edhe shtetasi 28-vjeçar D.L., banues në Tiranë, pasi dyshohet të ketë bashkëpunuar me shtetasit e lartëpërmendur.
Për Rrapush Hoxhollin kjo është hera e dytë që arrestohet.
Herën e parë, pronari i firmës ndërtuese “Gora” u arrestua në tetor të vitit 2015, pas shumë denoncimeve ndaj praktikimit të të njëjtës skemë mashtrimi në Durrës e Tiranë.
Hoxholli akuzohet edhe për marrje parash nga klientët e tij për hyrje pallatesh, të cilat nuk janë ndërtuar kurrë.
s.a/dita