Një “i moshuar” është arrestuar në Shtetet e Bashkuara të Amerikës, pasi fqinjët e tij kishin bërë denoncim në polici se dëgjonin herë pas here zhurma të çuditshme nga banesa e tij.
Pas fytyrës së këtij të moshuari, policia ka arritur të zbulojë se fshihet një 31-vjeçar, i cili ishte maskuar për të shpëtuar nga dënimi që kishte marrë, nën akuzën e posedimit të lëndëve narkotike. Ai ishte shpallur në kërkim por nuk ishte mundur të kapej.
Shaun Miller, i njohur edhe si Shizz apo Shizz Miller kishte arritur të krijonte këtë maskë, e cila e bënte të dukej disa vite më i moshuar, për t’iu shmangur penaliteteve ligjore. Ai ishte në kërkim prej muajit prill, ndërsa sipas policisë, maska e tij ka kushtuar rreth 2 mijë euro.
