Një maune ka bllokuar për rreth dy orë rrugën Vlorë-Sarandë, në vendin e njohur si kthesa e Llogarasë. Mësohet se maunja 13 metra e gjatë ka ngecur në tentativë për t’u kthyer në kthesën e Llogarasë, duke shkaktuar bllokimin e rrugës. Maunja transportonte një sasi të madhe çimentoje, e cila pas ndërhyrjes së Policisë Rrugore është shkarkuar, për të bërë të mundur lëvizjen e mjetit.