Këlni, ku aktivizohet dhe mbrojtësi i Kombëtares sonë Mërgim Mavraj, ka festuar qëndrimin në Bundesligën 1, pasi dje mundi thellë 4-1 në fushën tij Darmshtadin.
Dy herë Antoni Modeste dhe dy herë të tjera Marsel Rize i kanë dhënë fitoren e thellë Këlnit, ndërkohë që sa për statistikë ka qenë goli i shënuar nga Gondorf për Darmshtadin.
Në takimin e djeshëm titullar ka qenë dhe mbrojtësi kuqezi Mërgim Mavraj, i cili ka festuar bashkë me ekipin e tij qëndrimin edhe për një sezon tjetër mes më të mirëve të Gjermanisë. Mavraj ka bërë një paraqitje të mirë në këtë ndeshje dhe ka luajtur me minutazh të plotë.