E nderuar gazeta DITA! Më shqetëson një fakt lidhur me pjesëmarrjen e njerëzve në një proces zgjedhor. Njerëzit e thjeshtë janë vendimtarë një herë në 4 vjet, pra kur ata shkojnë në kutitë e votimit. Ata nuk duhet të rrinë indiferentë kur në të vërtetë kërkohet domosdoshmërisht të ndryshohet një gjendje e caktuar. Sa më e madhe pjesëmarrja në votim, aq më e qartë shprehet nevoja për ndryshim. E kundërta do të thotë që shoqëria është joreaguese ndaj problemeve social-politike. A nuk ankohemi çdo ditë që gjithë të këqijat na vijnë nga politika e keqe? Pra domosdoshmërisht nevojitet pjesëmarrje masive në votimet e qershorit 2013. Në historinë botërore, ndryshimet e duhura kanë ndodhur përherë si pasojë e kundërvënies masive të shtresave të shoqërisë ndaj politikës (shihni rastin Obama). Këto shoqëri që janë në gjendje të realizojnë këtë gjë, kanë mundur t’i rërzojnë diktaturat, perandoritë, monarkitë etj. Shqipëria ka nevojë për një fillim të ri. Kjo është e qartë. Vetëm të verbërit dhe ata që nuk munden të jetojnë në dritë, nuk e kanë mësuar akomë këtë gjë.
SMS në DITA në 0689073730