Të mërkurën kabineti qeveritar në mbledhjen e tij pritet të mieratojë tekstin e marreveshjes midis tre vendeve, Shqiperise, Italise dhe Greqise per gazsjellesin Trans Adriatik, TAP. Teksa e ka konfirmuar një fakt të tillë në rrjetin social facebook, Kryeministri Berisha vlerëson se ky projekti me i madh ne historine e zhvillimit dhe te bashkepunimit nderkombetar te vendit tone, i cili pritet të hapë rreth 20 mije vende te reja pune.
“Te dashur miq!
Neser ne mbledhjen e qeverise, marreveshja historike per TAP!
Ne mbledhjen e qeverise, neser, miratohet teksti i marreveshjes midis tre vendeve Shqiperise, Italise dhe Greqise per gazsjellesin Trans Adriatik, TAP. Ky eshte projekti me i madh ne historine e zhvillimit dhe te bashkepunimit nderkombetar te vendit tone.
TAP sjell gazin nga deti Kaspik, Azerbajxhan, kalon ne rreth 200 km ne territorin tone dhe perfundon ne Itali. Investimi ne territorin tone per ndertimin e tij eshte rreth 2 miliarde dollare dhe krijohen, direkt dhe indirekt, rreth 20 mije vende te reja pune”shkruan Kryeministri.
Berisha thekson më tej se ky projekt shnderrohet ne nje faktor madhor bashkepunimi te ngushte mes te gjitha vendeve neper te cilat ai kalon. Ai ben te mundur gazifikimin e plote te vendit, çka nenkupton per familjet shqiptare ngrohje dhe gatim me çmim shume me te arsyeshem se sa sot. “Shqiperia me ndertimin e TAP-it merr nje rendesi nevralgjike per energjine ne rajon!” përfundon Berisha.