ZYRTARE / Vendimi i plotë i Qeverisë: Emërimet, shkarkimet, emrat e zv.ministrave dhe prefektëve

Kabineti “Rama” ka miratuar në mbledhjen e djeshme zëvendësministrat dhe prefektët e rinj nëpër qarqe. Ministritë do të kenë nga dy zëvendësministra, një i Partisë Socialiste dhe një nga partitë aleate. Ajo që bie në sy është fakti se dhe në këto emërime numri i femrave është i lartë duke qenë tetë të tilla. Në emërimet e djeshme 9 zëvendësministra i takojnë LSI-së dhe dy janë të PBDNJ-së.

9 zëvendësministra për aleatët e vegjël

Qeveria ka lënë 9 zëvëndësminsitra pa emëruar dhe burime nga Këshilli i Ministrave për gazetën Dita bëjnë me dije se Rama është shprehur se këto vende do u takojnë aleatëve të vegjël të cilët ende nuk kanë marrë asnjë post qeveritar. Të kontaktuar me telefon kreu i PSV ‘91 dhe kreu i PDS-së u shprehën se nuk ka asnjë informacion se cfarë detyre do të marrin dhe se kur do të zhillohet takimi me Kryeministrin për të diskutuar. Mbledhja e radhës do të zhvillohet javën e ardhshme ku pritet të plotësohet dhe stafi politik i të gjithë ministrive.

Vendime të tjera

Qeveria miratoi edhe lirimin nga detyra të Lealba Pelinku si kryetare e Komisionit të Prokurimit Publik, e cila vijon mandatin e anëtarit të këtij komisioni, dhe emërimin si kryetar të Komisionit të Prokurimit Publik të Denar Biba. Po ashtu qeveria miratoi lirimin nga detyra të Avenir Peka si drejtor i përgjithshëm i Agjencisë së Kthimit dhe Kompensimit të Pronave. Një tjetër vendim ishte “propozimi i Projektligjit për kryerjen e shërbimit të auditivit të borxhit të ministrive kundrejt biznesit vendas dhe të huaj. Ky projektligj adreson situatën emergjente për të shlyer detyrimin e qeverisë ndaj sipërmarrjes vendase dhe të huaj, duk e dhënë në këtë mënyrë shembullin e qeverisë shqiptare në shlyerjen e borxheve ndaj palëve tëtjera. Ndërkohë do të nisin procedurat për të filluar sa më parë një auditim të plotë financiar të shtetit, duke ftuar të gjitha kompanitë ndërkombëtare për të shprehur interesin ndaj këtij procesi”. Po ashtu u vendos shkurtimi i shpenzimeve për shërbimin e transporteve për zyrtarët publikë dhe nëpunësit civilë.

 

Me poshte teksti i plote i vendimeve ne mbledhjen e qeverise:

Kryeministri Edi Rama drejtoi sot mbledhjen e Këshillit të Ministrave në të cilën u morën këto vendime;

1- Propozimi i Projektligjit për kryerjen e shërbimit të auditimit të borxhit të ministrive kundrejt biznesit vendas dhe të huaj.

Ky projektligj adreson situatën emergjente për të shlyer detyrimin e qeverisë ndaj sipërmarrjes vendase dhe të huaj, duke dhënë në këtë mënyrë shembullin e qeverisë shqiptare në shlyerjen e borxheve ndaj palëve të tjera. Ndërkohë do të nisin procedurat për të filluar sa më parë një auditim të plotë financiar të shtetit, duke ftuar të gjitha kompanitë ndërkombëtare për të shprehur interesin ndaj këtij procesi.

2- Shkurtimin e shpenzimeve për shërbimin e transporteve për zyrtarët publikë dhe nëpunësit civilë.

3- Emërimin në detyrë të:

Znj. Elona Gjebrea, zëvendësministër i Punëve të Brendshme

Z. Ilirjan Mustafaraj, zëvendësministër i Punëve të Brendshme

Znj. Nora Malaj, zëvendësministër i Arsimit dhe Sportit

Z. Arbjan Mazniku, zëvendësministër i Arsimit dhe Sportit

Znj. Milva Ekonomi, zëvendësministër e Shëndetësisë

Z. Klodian Rjepaj, zëvendësministër i Shëndetësisë

Z. Dorjan Duçka, zëvendësministër i Energjisë dhe Industrisë

Z.Ilir Bejtja, zëvendësministër i Energjisë dhe Industrisë

Znj. Bardhylka Kospiri, zëvendësministër i Mirëqenies Sociale dhe Rinisë

Znj. Gentiana Sula, zëvendësministër i Mirëqenies Sociale dhe Rinisë

Z. Jani Babi, zëvendësministër i Bujqësisë, Zhvillimit Rual dhe Administrimit të Ujërave

Z. Alban Rusi, zëvendësministër i Bujqësisë, Zhvillimit Rural dhe Administrimit të Ujërave

Z. Ylli Manjani, zëvendësministër i Transporti dhe Infrastrukturës

Z. Dritan Hila, zëvendësministër i Mbrojtjes

Z. Sokol Dervishaj, zëvendësministër i Punëve të Jashtme

Z. Alqi Puli, zëvendësministër i Punëve të Jashtme

Znj. Brunilda Paskali, zëvendësministër i Zhvillimit Ekonomik, Tregtisë dhe Sipërmarrjes

Z. Majlind Lazimi, zëvendësministër i Integrimit Evropian

Z. Gentian Elezi, zëvendësministër i Integrimit Evropian

Z. Zef Çuni, zëvendësministër i Kulturës

Z. Gjon Radovani, zëvendësministër i Zhvillimit Urban dhe Turizmit

Znj. Oljana Prifti, zëvendësministër i Mjedisit

Znj. Diana Bejko, zëvendësministër i Mjedisit

4- Lirimin nga detyra të znj. Lealba Pelinku si kryetare e Komisionit të Prokurimit Publik, e cila vijon mandatin e anëtarit të këtij komisioni, dhe emërimin si kryetar të Komisionit të Prokurimit Publik të z. Denar Biba.

5- Lirimin nga detyra të z. Avenir Peka si drejtor i përgjithshëm i Agjensisë së Kthimit dhe Kompensimit të Pronave.

6- Lirimin dhe emërimin në detyrë të:

Znj. Aljona Mansaku, Prefekt i Qarkut të Tiranës lirohet nga kjo detyrë dhe emërohet z.Sadi Vorpsi, Prefekt i Qarkut të Tiranës

Z. Genc Juka, Prefekt i Qarkut Durrës lirohet nga kjo detyrë dhe emërohet z. Rolant Xhelilaj, Prefekt i Qarkut Durrës

Z. Shkëlqim Murati, Prefekt i Qarkut Të Fierit, lirohet nga kjo detyrë dhe emërohet z.Xhevit Bushaj, Prefekt i Qarkut Fier

Z. Elez Maçi, Prefekt i Qarkut Kukës, lirohet nga kjo detyrë dhe emërohet z. Ram Hoxhaj, Prefekt i Qarkut Kukës

Z. Shefqet Deliallisi, Prefekt i Qarkut Elbasan, lirohet nga kjo detyrë dhe emërohet z. Arben Kamami, Prefekt i Qarkut Elbasan

Z. Andrea Mano, Prefekt i Qarkut Korçë lirohet nga kjo detyrë dhe emërohet z. Ardit Konomi, Prefekt i Qarkut Korçë

Z. Bujar Hoxhaj, Prefekt i Qarkut Berat lirohet nga kjo detyrë dhe emërohet z. Selfo Kapllani Prefekt i Qarkut Berat

Z. Gëzim Sharku, Prefekt i Qarkut Dibër lirohet nga kjo detyrë dhe emërohet z. Melaim Damzi, Prefekt i Qarkut Dibër

Znj. Mimoza Çomo, Prefekt i Qarkut Gjirokastër lirohet nga kjo detyrë dhe emërohet znj. Zamira Rami, Prefekt i Qarkut Gjirokastër

Znj. Voltana Ademi, Prefekt i Qarkut Shkodër lirohet nga kjo detyrë dhe emërohet z. Paulin Radovani, Prefekt i Qarkut Shkodër

 

****

 

Negociatori i TAP, shkon zv/ministër tek Energjia

Dorian Duçka është emëruar dje zëvendës/ministër i ministrisë së Energjisë dhe Industrisë, e drejtuar nga Damian Gjiknuri.  Duçka paraqet një aset politik që vjen nga LSI-ja, por ai rezulton ndërkohë si një ndër personat kyç që kanë drejtuar dhe orientuar negociatat ndërkombëtare me partnerët e huaj për miratimin dhe lobimin mbi projektin e gazësjellësit TAP, projekt i cili favorizonte dhe përfshinte Shqipërinë në trajektoren e tij. Dorian Duçka ka mbajtur një profil “të tërhequr” në jetën publike politike të vendit dhe në aktivitetin publik të LSI-së, por “de facto” rezulton ai ka dhënë disa kontribute strategjike sidomos në fushën ndërkombëtare pranë Lëvizjes Socialiste për Integrim dhe dallohet si një ndër njerëzit më të besuar të Ilir Metës. Emri i tij njihet kryesisht në rrethet e diplomacisë,  sidomos për lidhje dhe marrëdhënie kyçe me figura të njohura ndërkombëtare, përfshirë këtu figura në rangjet e diplomacisë por dhe aktorë të rëndësishëm ndërkombëtarë që operojnë në sektorin e energjisë.