Mbreti i Holandës, Lartësia e Tij, Willem-Alexander i ka dërguar mesazh urimi Kreut të Shtetit shqiptar, Sh. T. Z. Ilir Meta me rastin e marrjes së detyrës duke nënvizuar se marrëdhëniet ndërmjet dy vendeve do të vijojnë të zhvillohen edhe gjatë mandatit presidencial të z. Meta
“Ju lutem pranoni përgëzimet e mia më të ngrohta me rastin e përurimit tuaj si President i Republikës!
Jam mëse i bindur se marrëdhëniet tona dypalëshe do të vazhdojnë të zhvillohen gjatë mandatit tuaj presidencial në të mirë të dy popujve tanë. Ju uroj urtësi si dhe shumë suksese në detyrat e rëndësishme që keni përpara!” është shprehur Mbreti i Holandës, Lartësia e Tij, Willem-Alexander.