24 qershor 2013

Njesoj si ne vitin e mbrapshte 1996 edhe sot Majlinda Bregu deklaron disa ore para mbylljes se votimit per te dhena optimiste te fitores
Mos u genjeni!
Ne kete nje ore e gjysem qe ka mbetur nxitoni se ka akoma,ka kohe per te shprehur vullnetin tuaj per te mundesuar largimin e QEVERISE DESHTAKE

MUNDESO ECJEN E SHQIPERISE PARA NE RRUGEN E INTEGRIMIT EUROPIAN/
RILINDJE PER SHQIPERINE

Nuli publikoi ne facebook fotografimin e votes me nje status qe linte shume pa moralshem
Cfare do te thote kjo per nje qeveritar te deshtuar dhe nje njeri qe neser do te thote UNE NUK E NJOH LIGJIN
Prandaj ne kete ore te mbetur nxitoni per te dhene dhe ju kontributin tuaj qe ti tregohet Nulit dhe Berishes

Njerez te tille duhet te vihene para pergjegjesise per shkelje te ligjit

populli votoi tani duhet ju te ps ta mbroni voten qe te qerohet zgjebja berish.

Poshte Diktatura Berishiane dhe mos i mbifte fara u shofte pergjithmone do shpetoj populli nga ky rregjim fashist.

Tendenca shumë e qartë dhe e pastër deri tani me përqindjen drejt aleancës së majtë, nuk është se po i vjen pa pritur popullit. Populli, sidomos katër vitet e fundit, po flet me zë të lartë, por pushteti i tipit “imponues diktatorial” nuk ka patur veshë për të dëgjuar. Sepse, mentaliteti i aleancës së dhjathtë, ka qenë i tillë sa mendonin me naivitet se populli do duartrokasë “varfërimin e vet” se populli do zgjedhë “vjedhësit e vet”. Nuk e kuptoj se në çfarë këshilltarësh është mbështetur lideri i së djathtës, në se ka pasur dhe në se i ka dëgjuar vallë këta këshilltarë. Unë mendoj se këshilltarët që krijojnë situata të paqena dhe jo të vërteta mbi pakënaqësitë e vërteta të popullit, nuk i kanë shërbyer aspak alencës së djathtë. Duke krijuar një imazh të pavërtetë të mirëqënies dhe zhvillimit ekonomik të vendit, aleanca e djathtë nuk bëri asgjë tjetër veçse rriti pakënaqësinë dhe vendosmërinë e popullit për të votuar bindshëm dhe qartë drejt aleancës së majtë.
Veprimet e papërgjegjshme të shërbëtorëve të tipit si ministri i brendshëm, nuk bënë asgjë tjetër veçse vërtetojnë se sa të cekët janë këta njerëz të pushtetshëm. Duke bërë veprime të tilla të tipit “dmostrim force” nuk bëjnë gjë tjetër veçse shtojnë pakënaqësinë e popullit. Dhe populli në këtë pikë flet natyrshëm, sepse gjendja e varfërisë së përgjithshme është e pajustifikueshme nisur nga pasurimi i pushtetarëve ose shërbëtorëve injorantë të tipit ‘URIAHIP” që nuk kuptojnë se qytetarët mund të jenë katandisur në varfëri, por kjo nuk i bën ata “injorantë”.
Injoranca këtë herë është ushqyer nga pushteti për ta marrë në shërbim të saj, por kjo lëvizje aspak e mënçur nga ana e pushtetit nuk i shërbeu aspak. Sepse Injoranti të shërben vetëm për interesa të tij të ngushta dhe jo për interesa të përgjithshme. Dhe kur je në pushtet ajo që matet nuk është niveli personal i jetesës së pushtetarëve dhe shërbëtorëve të tyre, por është niveli i përgjithshëm i popullsisë së një vendi. Në këtë kuptim edhe raportet apo të dhënat e institucioneve ndërkombëtare, nuk publikojnë të dhëna mbi pasurimin e pushtetarëve, por tregojnë të dhëna mbi nivelin e varfërisë e të papunësisë së përgjithshme të popullsisë.
Në këtë kuptim, themi që pushteti në Shqipëri nuk e ka kuptuar thelbin e qeverisjes së një vendi që ka vuajtur për 50 vjet diktaturë. Pra aleanca e djathtë që pretendon se ka sjellë “demokracinë” në Shqipëri, nuk e ka kuptuar se rruga që ka ndjekur ka qenë pikërisht ajo e rregjimit komunist që populli e hodhi poshtë më 1990. Në se kjo aleancë e djathtë, do të pretendonte një pushtet të përjetshëm, atëhere realiteti tregon se rruga që ka zgjedhur është tërësisht e gabuar. Do thoja se në se një lider pretendon “pushtet të përjetshëm” siç ka deklaruar vetë lideri i së djathtës, atëhere mendohet se ai duhet të ketë dhe një strategji për këtë qëllim. Por faktikisht ne po shohim se strategjia dhe taktika e përdorur në këta tetë vjet, nuk ka qënë e frutshme. Dhe nuk ka se si të jetë e tillë, sepse në se ne pretendojmë se jemi në demokraci, atëhere dhe metodat e drejtimit të shtetit duhet të jenë demokratike dhe jo despotike. Metoda e “përqendrimit të pushteteve në një dorë”, nuk ka se si të rezultojë e suksesshme, sepse në këtë këndvështrim do të vinim në dyshim dëshirën që ka populli për demokraci të vërtetë. Dhe demokracia e vërtetë, nuk është në favor vetëm të një “kaste pushtetarësh” siç ka treguar alenca e djathtë në këto vjet, por duhet të jetë në favor të të gjithë popullsisë së një vendi.
Në këtë pikë themi se në një vend demokratik, siç pretendon e djathta se jemi, nuk ka se si të mungojë një “Nivel mesatar” mirëqënie për të gjithë popullsinë, duke mos munguar dhe një “Nivel mbi mesataren” për një pjesë biznesmenësh të suksesshëm në vend.
Por çfarë kemi parë në këto vjet të qeverisjes të së djathtës? Faktikisht e djathta ka mundësuar “Nivelin mbi mesataren” të pushtetarëve dhe shërbëtorëve të tyre, shumica injorantë, ndërsa ka lënë popullin duke përfshirë këtu dhe intelektualë, në “Nivel nën mesataren”. Pra kemi një polarizim të popullsisë, 5% të pasur dhe 95% të varfër nën një nivel të pranueshëm jetese normale, ku vihet re nivel shumë i lartë papunësie për rrjedhojë, mungesë të ardhurash qoftë për një “minimum jetese”.
Sot ne shqiptarët, diskutojmë akoma si të mbyllim 15 ditëshin, ku të marrim borxhe, a të jetojmë apo jo.
E pra këtë gjendje aktuale nuk ka kuptuar aleanca e djathtë këto tetë vjet, duke hyrë në zgjedhje me një optimizëm “fals” që ne qytetarët e thjeshtë e përkthejmë si “CINIZËM”. E pra ky cinizëm, nuk mbjell respekt ndaj qeverisjes por përkundrazi një reflektim dhe një vendosmëri për ti thënë “Ndal” diktatit dhe keq-qeverisjes në kurriz të mirëqënies mbarëkombëtare. Ai që ka munguar dukshëm tek aleanca e djathtë, ka qenë Vizioni i qartë për mirëqënie të përgjithshme dhe për pasurim të atyre që me mund, djersë e konkurrencë të ndershme e arrinë këtë.
Askush nuk është kundër të pasurve, por jemi kundër varfërimit të përgjithshëm!
Mesa duket deri tani, kjo është dhe përgjigja e qartë nëpërmjet Votës popullore!