Një 26 vjeçare shqiptare gjeti vdekjen në një plazh në Itali, ndërsa mundi të shpëtojë e bija.
Nëna e re humbi jetën, ndërsa vajza e saj e vogël u dërgua në spital në Metaponto. Sipas mediave italiane, ngjarja ka ndodhur mëngjesin e kësaj të shtune, pranë Lido Nettuno të Metaponto (Matera), një nga vendpushimet bregdetare në Basilicata.
26 vjeçarja, e cila kishte shkuar në Basilicata për pushime u mbyt ndërsa po lahej me vajzën e saj gjashtë vjeçare.
Rojet e shpëtimit kanë ndërhyrë në kohë, por nuk kanë arritur ta shpëtojnë nënën e re.
Emri i viktimës ende nuk është bërë i ditur.
j.l./ dita