Me çfarë e trembin Tahiri e Llalla njëri-tjetrin?

A është kryeprokurori Adriatik Llalla diku peng i ministrit të brendshëm Sajmir Tahiri dhe ky i fundit a ia ka nevojën prokurorit për tu mbrojtur në këtë situatë mbushur me akuza konkrete? A kërkoi ministri i brendshem alibi shenjtori duke përdorur institucionin e akuzës dhe drejtuesin e saj? Po. Krejtesisht për fatin e keq unë them atë që nuk do të doja ta thoja, po.

E njoh prokurorin e pergjithshëm z. Adriatik Llalla nga koha kur ishte prokuror në Prokurorinë e Tiranës dhe them me bindje se profili i tij profesional e për rrjedhojë individual, ishte shumë herë më i lartë atëherë dhe ka zbritur ndjeshem sot.

Prokurori i Përgjithshëm priti tre ditë më parë ministrin e Brendshëm e pas takimit Tahiri sa nuk këputi frerin e kënaqësise duke lajmëruar se i kishte thnënë prokurorit Llalla ta hetonte për akuzat e Dritan Zaganit, oficerit të antidrogës akuzues i Tahirit, për implikime serioze me mjetet dhe të afërmit e ti në trafiqet e drogës.

Pas një shpjegimi dyditor politik dhe një barcolete të sforcuar të Ramës, nën sikletin e vizitës së Ambasadorit amerikan Donald Lu, dukej ashiqare se Tahirit i nevojitej Llalla dhe nuk përtoi t’i shkojë në zyrë. Përse??? Atje shkohet kur denoncon ose kur të denoncojnë dhe në rastin e dytë kur të thërret Prokurori.  Z. Llalla nuk na bëri të ditur se kishte thirrur Tahirin. As nuk na konfirmoi se kishte nisur hetimin për të pas kërkesës së tij për të shpejguar akuzat publike.

Ku është pra sikleti “Zagani” për z. Llalla dhe Tahiri? Prokurori i Përgjithshëm pas daljes në shtyp të intervistës së shefit të antitrafiqeve Dritan Zagani, duhej menjëherë të kishte nisur hetimet kryesisht për verifikimin e akuzave konkrete dhe nëse e ka bërë, që nuk konfirmohet prej tij, ta njoftonte publikisht. Z Llalla ka hall të përbashkët me Tahirin jo në implikim akuzash, por në mosveprime shteghapur për dyshime aspak të dobishme. Zagani akuzon për mosveprime prokurorë të Krimeve te Rënda. Llalla duhet të ketë narrë dijeni prej vartësve për këto akuza në kohën kur janë bërë veprimet dhe jo me daljen e intervistës.

Kemi shkelje të konsumuar, nëse nuk është hetuar, pas konstatimit të pranisë së elementëve të veprës penale, në kallzimet e ish-shefit të antitrafiqeve të Fierit, e më pas eprorëve të tij, më Drejtorinë e Përgjithshme të Policisë së Shtetit. Përse e them këtë?  Oficeri Zagani më ka bërë të ditur se gjithë ato çka më tha mua, janë komunikime sa verbale aq dhe zyrtare elektronike me eprorët e tij dhe keto materiale janë në adresat zyrtare të Prokurorisë për Krime të Renda përcjellë nga Drejtoria e Përgjithshme e Policisë.

Zagani, thotë se eprori i tij në Drejtorin e Policisë i ka konfirmuar se materialet e tij shkresore dhe elektronike ia ka nisur Prokurorisë për Krime të Rënda sepse sipas tij kishte elemente të veprës penale. Dhe ata nuk kane nisur hetimin! Pas daljes së intervistës së Zaganit, z. Tahiri mund të shkonte te Llalla me cilësine e dëshmuesit për pyetjet e prokurorëve. Gjithaq, prokuroria duhej së paku të nesërmen të sekuestronte tre objekte e subjekte pa asnjë dilemë profesionale.

Së pari të sekuestronte audin a8 me targa AA003 GB. Së dyti të sekuestronte skafin në pronësi të shtetasit Sajmir Tahiri, ministër i brendshem, njëherësh pronar i makinës audi. Gjithashtu të sekuestronte gjithe postën elektronike të Dritan Zaganit me eprorët e tij në Fier, Tiranë, e në këtë vijë dhe të eprorëve të tij me njrëi-tjetrin, për këto pretendime.

Keto veprime duhen të ishin kryer. Ky mosveprim shkon në shkelje në adresë të Prokurorit të Përgjithshëm, duke lënë hapur dyshimin serioz të konsumit të veprës penale nga ana e tij.

E gjithë intervista e bërë nga unë, është biseda dhe veprimet hetimore te Zaganit me të cilat ai ka lënë gjurmë në sistem. Jane emaile mes tij dhe eprorëve të cilat ai mi ka treguar si intervistë. Nese dikush ka ndërhyre ka pasur kohë mjaft të fshijë, por gjurma mbetet patjetër. Aty janë dhe emailet me Alessandro Guilianin, ish-zëvëndës shefin e Guardias, z mnister dhe z prokuror.

Ne postën e tij elektronike të pasekuestruar besoj, janë edhe 11 emrat e pilotëve të trafikut të cilët dikush mund t’i ketë njoftuar të rrinë urtë. Ndaj Tahiri nuk e ka bindur Llallën të hetojë, por nga mosreagimi i prokurorit marrim vesh se ai, shefi i akuzës, ka rene ndoshta në ujdi me ministrin Tahiri për mosveprime. Me mosveprim mbrohen shumë vetë të akuzuar, ndërsa me veprim mbrohet e drejta dhe në këtë rast më e pakta procedura.

Prokurori i Përgjithshem duhet të flasë publikisht nëse ka nisur hetimin kryesisht dhe jo nëse ia ka bere qejfin ministrit Tahiri. Takimet e shpeshta të prokurorit me ministrin Tahiri, janë më shumë qoka dhe ndere të panevojshme, sepse nuk qendron fort drejt procedura dhe interesi publik.

Prokurori i Përgjithshem na premtoi shumë muaj më parë se ka ndër duar dosje që do të trondisin opinionin dhe bëhen shkak për ndryshim qendrimi të BE dhe partnereve ndaj Shqipërisë! Ndaj mundemi të pyesim pasi nuk kemi parë asgjë (jo sipas modelit Rama) kush t’i lidhi duart z. Prokuror? Rama? Tahiri? Meta? Basha? Berisha? Apo diçka ka ndodhur.

Ka shume dashuri në këtë sjellje Prokuror. Por jo ndaj ligjit. Tahiri ndoshta e ka rast të përsëritur të shkelë procedurën si në rastin Doshi, por ju s’u ndiet prokuror! Këtë herë punët janë më të thella z. prokuror dhe ministri duhej të ishte në hetim e jo të kërkonte apo t’ju jepte leje ju ta bënit këtë, duke dëshmuar teatër publikisht.

Një tjetër pyetje të fundit zoti drejtues i akuzës, përfaqësues i shtetit, jo pushtetit. A ia keni shkuar rixhanë Tahirit, apo jo?? Se janë dhe italianët kundër këtë herë me sa duket. Guiliani, bashkëpuntori i Zaganit, në trafik droge, sipas hipotezës së hetimit nga institucioni juaj, pistë e rrezuar pa u bërë dot akuzë zyrtare, do të flasë dhe dëshmojë, si qëndron kjo histori trafiku dhe kush rezulton implikuar, natyrisht sipas palës fqinje. Ju i kini kolegë. Nëse ata zyrtarisht konfirmojne pretendimet e Zaganit a do ta hetoni Tahirin sipas dosjes, apo sipas afrisë së pushtetit??

Zoti Prokuror mes jush dhe Tahirit ka një qasje pengu, për nga menyra publike e kryerjes se veprimeve. Flisni më mirë ju, që ne të mos hamendësojmë të gabuarën.

********

Autori është gazetari që kreu intervistën me ish-shefin e Antidrogës Dritan Zagani