Vargje të nënshkruara,
Kapo Labi
Ditë, ca miq vetëm na lanë
Midis nesh më s’do t’i kemi
Disa borxhe na i kanë
Ndaj dy fjalë do ua themi.
Ç’na bëre o kryetar
S’dëgjove zënë e miletit
Bashkë me Jaçen ti na hoqe
Trëndafilat e Përmetit.
Mallakastra heroike
Më duket të zuri vapa
Nostalgjia për kusarë
Ndaj i vajte Kaçit mbrapa.
Kënga labe nuk u shkon
As për ju, as për ballshjot
Se askush nuk të dëgjon
Kur bashkohesh me idiot.
O matjanë, i ratë pikës
Se ju doni mbretëri
Latë mësuesen e fizikës
Se nuk doni dituri.
Pogradec, o vend i rrallë
Kurrë nuk e kam menduar
Se bashkoheni me kusarë
Arkitekten e larguat.
Urime zonja Voltanë
Bëre si të tha partia
Po nuk e hodhe paranë
Ndryshe nuk merret bashkia.
S’prisnim ta ndërronit kranë
Se nuk u lejon Serbia
Ata katër djem ju vranë
Po prapë nuk u prish krushqia.
UDB-ja me Salinë
U mbytën, u injoruan
As për pula, as për thij
Një kacidhe s’u dërguan.
Mbarësi në jetën tuaj
Me krye kusarin plak
Me serbët e kriminelët
Ishalla bëheni çirak.
Nderime o miqtë e mi, me dyzetë e ca bashki! Kapo Labi, Tërbaç, Vlorë.