Një turist austriak është aksidentuar sot rreth mesditës në aksin rrugor Berat- Poliçan, në vendin e quajtur “Çezma e thatë”.
Turistët kanë qenë në grup me pesë motorë, teksa udhëtonin drejt Skraparit, kur njëri prej tyre është përplasur me maune.
Nga përplasja, turisti austriak ka ngelur i plagosur rëndë. Ai është dërguar me urgjencë drejt spitalit të Beratit, e më pas drejt Spitalit të Traumës në Tiranë.
Ekspertët e qarkullimit rrugor kanë nisur hetimet për të zbardhur motivet e këtij aksidenti.
s.a/dita