Me flori e motor, kërkon ndihmë ekonomike

Në faqen zyrtare në Facebook të Ministrit të Mirëqenies Sociale dhe Rinisë, Erion Veliaj, gjen gjithmonë qytetarë që ankohen për diçka, për dikë apo pse filani filloi një punë të zakonshme, pasi u paraqit  tek Zyra e Punës sepse do bënte më mirë të harxhonte kohën në internet, e të tjera si këto. Por, sot na tërhoqi vëmendjen një koment interesant në një nga postimet e shpeshta të Veliajt, ku një qytetar nga Peqini i kërkonte llogari ministrit se nuk e kishte marrë ndihmën ekonomike prej dy muajsh, se jetonte me borxhe, pa bukë e ujë, se prej 15 vitesh ka jetuar vetëm me ndihmë ekonomike pa punuar asnjë ditë, etj, etj. Me sa duket ky koment ka tërhequr edhe vëmendjen e ministrit Veliaj i cili i është përgjigjur qytetarit se ndihma ekonomike tani u jepet vetëm grave, e jo burrave me varëse floriri, se nëse ishte pa bukë dhe pa punë, mund t’i drejtohej zyrës së punës në Elbasan që ka disa vende të lira pune e të mos jetonte, siç ka bërë, prej 15 vitesh me 30 mijë lekë të vjetra ndihmë ekonomike, pasi është në moshë pune. Pas kësaj ne i hodhëm një sy profilit të qytetarit që nuk paskërka lekë për bukë, por ama paska lekë për të bërë muhabet në faqen e ministrit. E çfarë gjetëm? Mirë ia tha ministri Veliaj, po kujt ia tha pa! Ja shikojini vetë fotot!