Kosova deri më tani nuk ka bërë kërkesën zyrtare për pranim në UNESCO dhe për këtë arsye nuk është në rendin e ditës të takimit të Këshillit Ekzekutiv që fillon sot.
Në këtë takim caktohet rendi i ditës për Konferencën e Përgjithshme që do të mbahet në nëntor, raporton rts.
Pasi që takimet plenare fillojnë të hënën, shanset që Kosova të bëjë kërkesë janë minimale, ka thënë ambasadori i Serbisë në UNESCO, Darko Tanaskoviç.
Tanaskoviç thotë se delegacioni i Serbisë e mban situatën në kontroll porse shton se megjithatë nuk do t’ia lërë asgjë rastit dhe se do të jetë gjithnjë i gatshëm.