Mediu: Duhet qeveri teknike për zgjedhje të lira

Kre i Partisë Republikane, Fatmir Mediu, ka artikuluar sërish kërkesën e Partisë Demokratike për qeveri teknike.

Duke folur për gazetarët, Mediu tha se për të pasur zgjedhje të lira dhe të qeverisje që të ndershme është e domosdoshme që të shikojmë që të kemi një kemi dakortësi të gjitha palëve sesi duhet të shkojmë në këto zgjedhje.

Referuar deklaratës publike të artikuluar nga kreu i LSI Meta, Mediu tha se edhe brenda mazhorancës kjo qeveri nuk e gëzon besimin për të shkuar deri në fund të mandatit të saj.

I pyetur nëse ishte dakort për riformatim të qeverisë aktuale por pa Ramën Kryeministër, ai u shpreh:

Çdo formë qeverisje që do garantonte zgjedhje të lira dhe të ndershme, një qeverisje që garanton vullnet politik të përbashkët për zbatimin e standarteve zgjedhore mendoj se do ishte e pranueshme.